Annaga oo raacayna go’aammadii dawladda Jamhuuriyadda Somaliland soo saartay ee ku saabsanaa ka hortagga caabuqa Corona (#COVID-19), waxa aannu ogaysiinnaa bulshada ku xidhan Xarunta Dhaqanka ee Hargeysa in muddo 4 toddobaad ah, oo ka bilaabmaysa maanta, oo ay taariikhdu tahay 18ka Maarj 2020, si ku meelgaadh ah loo xidhi doono maktabada Xarunta Dhaqanka ee Hargeysa. Haddaba, dhammaan akhristayaasha ku xidhan maktabadda waxa la ogaysiinayaa inay sidaa ula socdaan ilaa aannu go’aammo kale ka helayno hay’adaha caafimaad ee ku shaqada leh ee qaranka.
Waxa aannu idinku martiqaadaynaa in aad nagala socotaan degelkayaga Internet-ka (www. hargeysaculturalcenter.org) iyo baraha bulshada ee Facebook iyo Twitter.
Sidoo kale, waxa aannu idin kula talinaynaa in ayadaan tegin meelaha laysugu yimaaddo, aadna raacdaan talaabooyinka caafimaad ee ka hortagga u ah fayraskan baahay, oo uu horreeyo faraxalku.