- Start : 2019/06/13 19:00
- End : 2019/06/13 21:00
Falanqaynta iyo doodwadaagga maansada “HOOYOY LA’AANTAA” ee M.I.W. Hadraawi curiyey waxay ku saabsan tahay kaalinta baaxadda weyn ee hooyadu ka qaadato jiritaanka iyo horumarka bulshadeenna.
Siyaalo kala duwan ayay dooddani u kala qeexaysaa qaybaha kaalinta hooyadu u kala baxaan, laga soo bilaabo ubadkorinta ilaa bulshodhiska.
Waxa si waafi ah looga hadlayaa sida diinteenna Islaamku u sifaysay maqaamka hooyada iyo qaddarinta ummaddu u hayso hooyada iyo xilgudashadeeda.
Doodwadaaggaas waxa ibafuraya Rooble Cabdi Muuse oo suugaanyahan maansooyinka falanqeeya ah. Waxa kale oo ka qaybgelaya Sh. Maxamuud Sh. Dalmar oo ka hadli doona qiimaha ay diinteennu siisay hooyada iyo Sahra Jibriil oo ka hadli doonta sifada hooyanimada iyo sida wakhtigu u saamayn karo.